तु सोबत असताना....
तु सोबत असताना कशाचही भान नसतं
काहीही झालं तरी सगळचं कस छान असतं....
काहीच सांगायला नको तुला सगळं कस आपोआप कळतं...
माझ्याही नकळत मन माझं तुझ्यामागे वळतं...
नाजूकसं हसणं नाही..हळूहळू बोलणं नाही...
कोण काय म्हणेल याचं भान नसतं...
तु सोबत असताना सगळचं कस छान असतं....
मला हवं तस वागणं...मला हव ते करणं...
अगदी मोकळं रान असतं....
तु सोबत असताना सगळचं कस छान असतं....
ना कशाची चिंता ...ना कुणाची भीती...ना कसली तमा...
सगळं ठिक करायला तु आहेस हे माहित असतं....
कारण तुझ्यासोबत असताना सगळचं कसं छान असतं...
No comments:
Post a Comment